nakit

Фото: Bayou with Love

Технолошкиот гигант Dell склучи партнерство со Ники Рид, актерка, претприемач и дизајнер, за да го претвори електронскиот отпад во рециклиран златен накит. Circular Collection е линија за накит направена од златото од компјутерските матични плочи на Dell. Со овој потег компанијата сака да ја истакне вредноста на рециклирањето и одржливиот дизајн, пишува Digital Trends.

Колекцијата вклучува 14 и 18-каратни златни прстени, обетки и манжетни, а ќе бидат претставени на саемот за електроника CES во Лас Вегас.

“Создадени се за да донесат поголема свест за човечкото влијание на нашата планета и да покажат дека убавите предмети може да потекнуваат од одржливи извори и рециклирани материјали. Со рециклирање на златото што некогаш се сметаше за ‘отпад’ се трудиме да создадеме средина во којашто постојано ќе ги реупотребиме ресурсите и ќе се стремиме кон нула отпад“, вели Рид, ко – основач на Bayou with Love.

Парчиња од новата линија за накит може да се нарачаат од веб страната на Bayou with Love, а најевтиното парче накит чини 88 долари.

Dell минатата година ја претстави првата кутија за лаптоп изработена од рециклирана пластика, како дел од пилот проектот што предвидува користење на пластичен отпад.

email