pexels-photo-288477

Фото: Pixabay

Без разлика дали станува збор за старо или ново работно место, секој сака да биде сметан за способен работник. И претпоставените посакуваат да изгледаат компетентно во очите на своите вработени. Понекогаш не сме во состојба совршено да излеземе на крај со некоја ситуација или задача, но постојат трикови што можат да го направат секој од нас прилично способен во очите на другите.

Бидете секогаш на време

Луѓето кои секогаш доаѓаат навреме се сметаат за доверливи и подготвени да ги завршат обврските во дадениот рок. Постојаното доцнење само ќе направи да делувате мрзеливо и некомпетентно.

Облекувајте се соодветно

Облеката не го прави човекот поспособен, но сепак помага во тоа. Доколку се облекувате соодветно за работното место веднаш ќе изгледате способно. Припадничките на понежниот пол не треба во целост да ја изостават шминката -дискретно нагласени црти на лицето ќе го освежат вашиот изглед.

Помагајте

Ако се нудите да помогнете на останатите колеги несомнено ќе бидете сметани за способна личност што умее да се справи со проблемите. Тоа истовремено ќе ја покаже вашата силна страна, но и ќе дадете до знаење дека сочувствувате со другите и се грижите за нив.

Трпение

Никој не сака да си има работа со нервозни луѓе кои многу лесно знаат да избувнат. Оние кои не умеат да се справат со емоциите не умеат ни да ги извршат дадените обврски онака како што треба. Затоа, бидете трпеливи и воздржувајте се од нагли промени на расположението.

Бидете подготвени

Бидете подготвени за непредвидливи сценарија. Не дозволувајте да бидете изненадени и фатени во небрано, без идеја за решавање на проблемот. Подготвеноста многу придонесува за да изгледате компетентно на работното место.

Зборувајте брзо

Истражувањата покажуваат дека лицата кои зборуваат побрзо се сметаат за поспособни, отколку оние кои зборуваат бавно. Без разлика дали е тоа така, доколку спаѓате во првата група ќе оставите впечаток на личност која добро умее да се справи со проблем.

Кажувајте шеги

Бидете забавни, кажувајте шеги, но нека бидат соодветни за публиката. Добро смислена шега пред одбрани луѓе ќе придонесе за нивното расположение, а вие ќе ги добиете заслугите.

email