pexels-photo-164531

Фото: Pexels

Изборот на вистински партнер, како во животот така и во бизнисот е од клучно значење. Партнерот треба да биде ваша најголема поткрепа, десна рака, личност од доверба и сè она што е потребно за да успеете во вашата замисла. Како да дознаете дека сте го пронашле, во продолжение.

Прво и основно е довербата. Просто е невозможно да бидете блиски соработници со некој ако не постои взаемна доверба. Треба да сте подготвени да ги доверите своите лични податоци, но ако постои нешто што ве кочи тогаш можеби не сте го пронашле вистинскиот партнер.

Заедничка цел е она што ќе ве тера да соработувате и да се поткрепувате еден со друг. Партнерите треба да се согласни во тоа каде одат и што сакаат да постигнат. Истите интереси ќе бидат двигател за искрена соработка, а доколку не успеете да најдете заеднички јазик, побарајте го вашиот човек на друго место.

Заедничко поминато време не значи само фокусирање на работата, туку и дружење надвор од канцеларијата. За да бидете сигурни дека сте го нашле вистинскиот партнер треба да го видите во малку поинакво светло, не само од призма на бизнисот.

Партнерите треба добро да ги избалансираат своите одговорности во компанијата. Да се знае сопственото задолжение и строго да се работи според претходно направен договор. Доколку партнерот се обиде да преземе контрола или пак не ги извршува предвидените задачи, тогаш е очигледно дека партнерството нема да трае долго.

Направете проба. Пред да се одлучите на партнерство пробајте (доколку сте во можност) заеднички да работите на некој проект или задача. Тоа ќе биде еден добар тест за да видите дали би можеле да се посветите на заеднички бизнис.

email