Многупати ќе чуете некои работи што луѓето упорно ги кажуваат во врска со успехот. Сепак не е се така црно бело и успехот нема една дефиниција што може да важи за сите. Најдобра опција е да не верувате во се што ќе чуете, особено во лаги што доаѓаат од неискусните и завидливите.

Треба да ги знаете сите одговори

Никој никогаш нема да ги има сите одговори, без разлика за што станува збор. Секогаш ќе постојат нови прашања и нови одговори. Важно е да не откажувате во потрагата по нив.

Успехот е среќа

Среќата постои. Но среќата не може ништо без обидот, без работата, без иновациите… Не чекајте на среќата, тргнете по патот, започнете ја авантурата.

Не треба да ги менувате работите

Промената е таа што може да донесе успех. Можеби сте веќе успешни, но не се надевајте дека тоа ќе трае долго ако не работите, ако не се движите.. Најголем непријател на успехот е статичноста и тупкањето во место.

Успех може да се постигне и преку ноќ

Единствен успех што ноќта може да го донесе е добар сон. Не верувајте никому кога вели дека успехот доаѓа туку така. Оној кој знае што се треба за успех, најчесто мудро ќе премолчи.

Успехот ќе ви ги реши сите проблеми

Проблеми имало и ќе има. Успехот може само да ги олесни, да понуди подобра стратегија за нивно решавање.

Луѓето ќе те сакаат повеќе ако си успешен

Вистинските пријатели сакаат и во добро и зло, а успехот честопати е проследен со завист. Внимавајте, ќе има и такви што свесно или несвесно ќе сакаат да ви украдат дел од “колачот“. Што побрзо ги препознаете толку повеќе ќе направите место за некој кој вистински се радува за тоа што сте го постигнале.