Средба на КХВ со берзанската индустрија

Претседателката на Комисијата за хартии од вредност на Република Македонија М-р Нора Алити заедно со четворицата Комисиoнери организираа работна средба со брокерската и со фондовска индустрија, се вели во соопштението на КХВ.

Оваа средба беше платформа за размена на ставови помеѓу КХВ како регулатор на пазарот на капитал и првите луѓе на Македонската берза АД Скопје, Центалниот депозитар за хартии од вредност АД Скопје, овластените банки, брокерските куќи и друштвата за управување со инвестициски фондови за тоа како Република Македонија да има стабилен, регулиран, ефикасен и високо развиен пазар на хартии од вредност, согласно релевантните ЕУ директиви.

Фокусот беше ставен на приоритетите и целите за раст и развој на македонскиот пазар за хартии од вредност, на кои заеднички во наредниот период ќе треба сите повикани субјекти да  преземаат активности и да работат на нивната имплементација.

Се дискутираше за основните фактори и пречки за унапредување и развој на примарниот и на секундарниот пазар на хартии од вредност, за мерките и активностите кои треба да бидат преземени од Комисијата за хартии од вредност на РМ за да се унапреди работењето на Друштвата за управување со инвестициски фондови  и за тоа дали одредена регулатива или нејзин дел, која е во надлежност на Комисијата претставува проблем или пречка во остварување на  полниот капацитет на предметот на работењето ДУИФ.

Беа отворени и актуелни прашања поврзани со системските предизвици, со престојната нова законска регулатива и супервизијата на пазарот на капитал, како и прашања кои произлегуваат од  натамошните чекори во однос на процесот на европската интеграција на Република  Македонија.

Категории | Македонија | Новости | Сервисни      Тагови:

Можеби ќе ве интересира и...

Зголемен откупот и продажбата на земјоделски производи во последното тримесечје од 2018 година

Зголемен откупот и продажбата на земјоделски производи во последното тримесечје од 2018 година

Откупот и продажбата на земјоделски производи , во последното тримесечје од 2018 година, во однос на истиот период од претходната година, се зголемени за 10,9%.

Зголемен прометот во индустријата во декември

Зголемен прометот во индустријата во декември

Фото: Pixabay Прометот во индустријата во декември 2018 година, во однос на декември 2017 година, е зголемен за 6,1%, покажуваат податоците на Државниот завод за статистика. Според главните индустриски групи, вкупниот промет во индустријата во декември 2018 година, во однос на декември 2017 година, бележи пораст кај Интермедијарни производи, освен енергија за 3,3% и Капитални производи за 19,1%, додека опаѓање бележи кај Tрајни производи за широка потрошувачка за 8,7% и Нетрајни производи за широка потрошувачка за 2,9%. Прометот во …

Горе